weapon

ብዛቱ 980 የሆነ የክላሽ ጥይት በህገ ወጥ መንግድ ሲጓጓዝ አዋሽ ኬላ ላይ ተያዘ መጋቢት 20/2011 ዓ.ም ዛሬ ጠዋት ከሃረር ወደ አዳማ ሲጓዝ የነበረ የሰሌዳ ቁጥሩ ኮድ 3-60292 ኦሮ በሆነ ተሽከርካሪ ላይ አዋሽ ጉምሩክ ጣቢያ በተደረገ ፍተሻ 980 የክላሽ ጥይት ተይዟል፡፡ ከዚሁ ጋር ተያይዞ የመኪናዉ ሹፌርና ረዳት ጨምሮ ከእቃዉ ጋር ግንኙነት ይኖረዋል ተብሎ የተጠረጠረ ዋና ሳጂን አሮጌ ገሪሶ የተባለዉ ግለሰብ በቁጥጥር ስር ዉሎ ጉዳዩ እየተጣራ ይገኛል፡፡ በተመሳሳይ ዜና ልዩ ልዩ የኮንትሮባንድ ዕቃዎች በሃዋሳ ከተማ እና በሲዳማ ዞን በአለታ ወንዶ አከባቢ በአዋሳ ጉምሩክ ኮሚሽን ሰራተኞችና በፌደራል ፖሊስ አባላት አማካኝነት በተከማቸበት መጋዘን መጋቢት 16/2011 በቁጥጥር ስር ዉሏል፡፡ በዚህ መሰረት የምግብ ዘይት 6960 ሊትር ግምታዊ ዋጋዉ 194 880 ስኳር 45 ኩንታል ግምታዊ ዋጋዉ 108000 ብር 30 ኩንታል ቡና ግምታዊ ዋጋዉ 300000 ብር እና ልባሽ ጨርቅ 5170 ኪሎ ግራም ግምታዊ ዋጋዉ 129250 ብር የሆነ ተይዟል፡፡

7.5 ሚሊዮን ብር የሚገመት ኮንትሮባንድ የሆነ የብር ጌጣጌጥ በቁጥጥር ስር ዋለ (የገቢዎች ሚኒስቴር፣ መጋቢት 23/2011 ዓ.ም) በሞያሌ የመቆጣጠሪያ ጣቢያ ግምታዊ ዋጋው 7.5 ሚሊዮን ብር የሆነ በኮንትሮባንድ የገባ የጣሊያን ስሪት የብር ጌጣጌጥ መጋቢት 21 ቀን 2011 ዓ.ም በቁጥጥር ስር ዋለ፡፡ የብር ጌጣጌጡ 151 ኪ.ግ የሚመዝ ን ሲሆን ሁለት ተጠርጣሪዎች በቁጥጥር ስር ውለዋል :: የሰሌዳ ቁጥሩ ኮድ3አአ- 81376 በሆነ ተሸከርካሪ ሲጓጓዝ በነበረበት ወቅት ነው በቁጥጥር ስር የዋለው፡፡ኮንትሮባንድን የመከላከል ስራው ከምንጊዜውም በላይ ተጠናክሮ ቀጥሏል፡፡

Page 2 of 2

Today 2 Yesterday 21 Week 23 Month 201 All 8532

Currently are 28 guests and no members online